Aakhir kon hai langda...... wo.......ya main

Ek langde ne mujhse pooncha….

Kya main langda hoon…..

Main chouka……

Ek lagde ke muh pe kaise kahoon … ki wo langda hai….

Or usi hadbadahat main mere muh se nikla….

Nahi nahi…. Essa kyo sochte ho… tum to ekdum normal ho….

Wo jor se hansa…. Or kud se kuch batain karte waha se chala gaya….

Doosre din wo phir mil gaya raste par…

Kya main langda hoon

Meri samajh main kuch nahi aaya…..

Phir maine use normen Vincent pele or shiv kheda type ke kuch gyan de dale….

Wo phir hansa….or khud se kuch batain karte huye waha se chala gaya….

Ab roj ka yahi silsila tha…

Wo roz mujhe milta…. Or main roz kuch na kuch aachcha sa motivation dekar waha se nikal leta…

Mujhe har baar laga….. wo apni is kamjori ko lekar kud ko bahut kamtar mahsoos karta hai….

Or yakken nahi kar paata ki uska ek pair nahi hai…… shayad isliye baar baar logo se poonchta hai….

“ kya main langda hoon”

Lagta hai… wo langde ke sath sath pagal bhi hai……. Poor guy…….

Aaj main ghar se sochkar nikala tha…..

Agar aaj wo mujhe phir se mila to….. main saf saf kah doonga…. Ki bhai tu langda hai…. Tujhe dikhai nahi deta kya…. Kyo baar baar logo se apni kismet par rote hoo….

Jo hai use face karo…. Ye kya rona laga rakka hai….

Or wo mila….

maine ek sans main wo sab kah diya jo sochkar aaya tha……

yakayak uski aankhon main ek chamak aa gaye…..

muskurate huye bola…….

Are saab….. ye to mujhe hamesha se pata hai ki main langda hoon….. main to ye ponchna chahta tha ki ye jaipur foot kaha milla hai….. par aap log meri poori baat sunne ke pahle hi itna bada or itna meetha jhot bol dete ho…. Ki na to main apni hansi rok pata hoon…… or na hi aage ki baat bol pata hoon……

Main kud ko bechara mahsoos karu na karu…..

Aap jhot bol kar har baar bata hi dete ho ki aapko mujh par kitni daya aa rahi hai….

Are bhai….. sach bolo…… or agar pata hai… to batao ki jaipur foot kaha milta hai…… or agar nahi pata…. To phir sach bolo…..ki nahi pata…….

Nakli jindgi kud jite ho……….

Or pagal mujhe kahte ho………

Main bhochakka rah gaya…..

Kuch samaj main nahi aaya ki kya kahoon….

Bas uske chehre ko dekhe jar aha tha….

Itne main langda haste huye bola……

Are muh to band karo uncle……

Or pata ho to ye batao……

Ki…….

Ye jaipur foot kaha milta hai……..

Main bina kuch bole sirf ek unsuljha sawal lekar waha se chala aaya………….

Ki aakhir….. kon LANGDA hai…….. wo ya main…….

Delhi Gang Rape

Main……ek ladka…… jiska Rape hone ke chances negligible hai….. 
Maine suna hai Delhi main ek rape hua hai… 
Ab itna bada mulk or ghar ghar main laga tv. 
Har hanth main rakha mobile 
Or phir ye naya sirdard facebook 
Choti choti chejo ko lekar log hyper emotional kyo ho jate hai… 
Abhi anna aaye the……..chale gaye… ye bhi ek toofan hai ….. kuch din main chala jayega… 
Kuch badalne thode hi wala hai…….. 
Or sochte sochte maine bhi protest petition sign ki…. 
Jo kuch bhi samne aaya like kiya…. 
Apna profile pic main black dot dala….. 
Or socha …… 
Hua to galat hai par jitna main kar sakta hoon……kar diya… 
Baki system hai na…….wo to system se hi chalega…. 
I Must be rational about serious issues………. 

Or Itne main hi chutaki ka fon aaya….. 
Bahut dino se baat nahi hui thi shayad isliye….. 
Dua salam hui……. Or maine pooncha….kaise yaad kiya aaj is waqt…. 
Diwal per lagi ghadi par baat karte karte najar dali to 10 baj rahe the…. 
Chutki to kabhi is waqt fon nahi karti…. Aaj koi khas khabar hai shayad… 
Result aa gaya lagta hai….. 
College main tha koi play ka rehearsal…. Jaisa ki colleges main hote hi rahte hai 
Wo is waqt aa rahi thi hostal wapas….. 
Usne kaha…. 
Aadhe ghante ka rasta hai…….. trefic bhi kam hota hai yaha…. To auto main boor ho rahi thi… 
Socha aapse baat kar loo… time paas ho jayega…. 
Yaha waha ki kuch batain ki….. or beech main gair iradatan boli…. “Bhaiya bahut yaad aa rahi hai aaj aapki……School main to aap hi mujhe lene aate the na…… ese mauke pe….” 
Kya kaha usne …….. or kya kah diya chutki ne……… 
Uski awaj ki kapkapahat meri reed ki haddi se hokar mere rongto se bahar nikli….. 
Or uske baad wo bas chupati rahi apna dar apni kilkhilahat bhari shararto main…. 
Main bhi dantata raha uski chedkhaniyo par… hamesha ki tarah…. 
Uljhaye rakkha use baton main jab tak wo hostal na pahuch gaye… 
Ya phir shayad wo bhi isi koshish main thi…. Shayad kyo…. Yakeenan…. 
Warden se baat kar hi lee kisi bahane se…… koi shak… koi gunjais…. Mujhe aaj sone na deti shayad….. 
Or mujhe nend nahi aaye us rat……. Sirf ek kapkapati si awaj goonj rahi thi mere jehan main 
“Bhaiya bahut yaad aa rahi hai aaj aapki…… 
School main to aap hi mujhe lene aate the na…… ese mauke pe….” 
Chutki aaj kitni badki baat sikha gaye mujhe…… 

Main ek ladka…. Jiska rape hone ke chances negligible hai 
Par agar khuda ne mujhe kisi chutki se nawaja hai……. Ya phir badki ya bhabhi, mami, mausi, bua… 
Jo bhi ho…. Agar mere ghar main hawwa ki nasal ka ek bhi saksh hai…. To ye mere ghar ka mamla hai… 
Or ye meri ladai hai…. Un char darindo ke khilaf main ladoo na ladoo…. Lekin us kapkapati hui aawaj ke liye… us dar ke khilaf jo maine mahsoos kiya….. or us neend ke liye jo mujhe aaye hi nahi main jaroor ladonga… kyoki ye meri ladai hai…… 
Or aapki bhi….. 
Yaa phir aap is baat ko samajhne ke liye apni chutki ke fon ka intzar kar rahe hai….. 
Agar haan……. To main dua mangoga khuda se ki jo fon aapke paas aaye…. Wo chutki ka hi ho…… kisi police station ya hospital ka nahi………… 
Faisala hai aapka……… akhir Betiyaan hai aapki……. 

AKS